Monday, February 8, 2010

!!ورده للــ قمر تــا يطل علينــا


شفت الوردة بالبستانِ
و قلتلاّ شو هالريحة؟
قالتلي: كِنّك عِشقاني؟
قلتلا: بلاها فضيحة
.....
قالت هيدا هوّي الحب
ما بيعرف غير الالب
و عا وجّو رح يوقع طبّ
ياللي يعاند بِ حبو
.....
أنا وردة كل العشاق
و أحلى هديي للمشتاق
بيتراضوا من بعد فراق
لمّا يْحِطّا بِ عبّو
.....
جربي تاخديني لَيْها
و شوفي الفرحة بعينيها
راح بتقلّك شو عليها؟
لو كاس الحب نْصِبّو
.....
عمر الورد زغير كتير
لكن مفعولو شو كبير
ما يهمّو كبير و لا زغير
كِلْ مِنْ حِبّو بِ قلبو


10 comments:

NewRise7 said...

قالت هيدا هوّي الحب
ما بيعرف غير الالب
و عا وجّو رح يوقع طبّ
ياللي يعاند بِ حبو
بتشكرك على كماتك الطالعه من القلب
تقبلي مروري

السر said...

وردة كل العشاق .. تنثر أريجها في رحاب كل المحبين

مع ملاحظة أنه في الحب لا توجد فضائح!!

تقبلي مروري

قلب امراه said...

صابرينا
ليس هناك اجمل من وردة نقطفها ونهديها لمن نحب
صادقة في نقل التعبير والاحساس والمشاعر
تتميزين بادائك وكلامك والحانك
وكانك تعزفين الالحان
دمتي بكل الحب عزيزتي دائما

أبنوسة said...

عيد حب سعيد

صافي الود

♥♥SaLLy♥♥ said...

اية يا عم يالي بتختفي
ماشي يا صوص
صباح الفل

Sabrina said...

NewRise7

مرورك ديما بيسعدني وينور صفحتي
ما في احلي من لغه الزهور
بس اللي بيفهمها
هلا بيكي بكل الاوقات

Sabrina said...

السر
له له الفضيحه موش بهالمعني
يعني كيف اسمك والغنيه تقول: الصبُ (تفضحهٌ) عيونه
وعبد الحليم حافظ يقول: اخفي هواكي عن العيون
فهمتي علي؟ مرسي ع مرورك

Sabrina said...

قلب امرأه
والله كلامك انتي اللي كلو ذوق
عن جد...اخجلتيني
ربي يسعدك وما يحرمني طلتك الحلوه دوم

Sabrina said...

اينوسه
مرسي إلك
وكل عيد وانتي طيبه

Sabrina said...

السوس الكبير المغوار
انا موش باختفي
ودايما تحت النظر يا كبير
مساؤك و صباحك فل