Tuesday, February 16, 2010

النصف التاني


بدي كاسك تعطيني
ومن روس شفافك تسقيني
و سهرتنا الليلة بالجرد
دفّيكي و تدفّيني
.....
مْراحل هالعمر كِنَها ثواني
طفوله و رجال بيصير ختيار
خلّينا من هالأعمار
بكرا بحطك انا بعيوني
.....
فرشْتلِّك فرشة من الورد
و لحاف يدفي من البرد
ما بدها أخد و لا رد
و تقوليلي وحياتي
.....
خلينا واحد ب تنين
بهالدنيي يا نور العين
ماحلى جَمعِة هالقلبين
و بقلبي رح بتباتي
.....
شفتك حلم بليلة صيف
و سهرتكن عا كيف الكيف
و قالولي أهلاً بالضيف
و كلُّن حِلْفوا بحياتي
.....
الواحد فينا بيخلق نصّ
يدور عالنصّ التاني
و اللي بياكل وحدو يغصّ
و عا نفسو هوي الجاني

16 comments:

السوس و الصوص said...

بيقولولك
تيجي نقسم القمر انا نص و انتي نص
تيجي نكتب عالشجر حرفين اسامينا و بس
صباحك قشطة

NewRise7 said...

"خلينا واحد ب تنين
بهالدنيي يا نور العين
ماحلى جَمعِة هالقلبين
و بقلبي رح بتباتي"

عنجد يسلموووووو على هيك كلمات..بتطلع من القلب وبتدخل بالقلب.

Rated R said...

بدي كاسك تعطيني
ومن روس شفافك تسقيني
و سهرتنا الليلة بالجرد
دفّيكي و تدفّيني
.......
اعجبني كتير هاد المقطع
كاس .. وروس شفايف
ودفا بحضن الحبيب
اوووووووووه
يا عم يا عم مين قدك
:)
ربنا يخليلك نصك التاني لو انتي معاها
ولو ما لقيتيها اتمنى تلاقيها قريب وتعيشوا براحة بال وحب ما له حدود
جراسياس
:P

♥♥SaLLy♥♥ said...

والله كنت هقولك تعملي التعليقات كدة
قشطة كدة يا معلم

السر said...

أحلى نص النص التاني .. وأرق نص النص التحتاني

وأمموووووووووت في كل الأنصاص حقت حبيبتي

تحية لك

مثلية فقط said...

لك انتي بتحطي صور بتجنن
و كلام بيدوخ
دخيل الإنسجام

تحياتي

Liza_Lez said...

هاي عزيزتي صبرينة

كلامك عجيب بجد لا تضحكي على كلمة عجيب الانو لهلا ما عرفت مصدر اللهجة ههههههه

تسلم ايدكي عا ها النص اللي كلو نص نص و يار ب يكمل كل واحد بنصو و مثل ما نقول الحب نصيب

بس بيني و بينك انتي بتحكي بأي لهجة الاني مرات القا اللهجة الجزائرية عندك و اكييد بفرح ههههههه
عا فكرة صورة البنت اللي في الخلفية حاولت شوفها لحالها ما قدرت و انا غير تنزل في الكتابة و نزل و نزل و لا شي ههههههههه صورة حلوة

اجمل تحياتي و ما تحرمينا من لهجتك

kiss

الهــــاربة said...

هااااااااااااي
البوست حلو كلش
تحياتي

Sabrina said...

السوس الكبير المغوار
ما شاء الله..بقينا بنكتب اشعار
وصدق من قال
الحب يعلم الصبر!! مش كده برضو
مساؤك فل يا مغوار

Sabrina said...

NewRise7
يسلموووو ع المرور والتشجيع
مبسوطه كتير انها عجبتك
وربي ما يحرمني طلتك الحلوه

Sabrina said...

يا هلا بيكي روان
شو هالطله الحلوه
بْحِبَّهاْ.. بْحِبَّهاْ.. لَيْشْ تَا خَبِّي؟
لَوْلاهه قَصِّتْ جَانْحِي الْغُرْبِه
إِسْمَا بِـ قَلْبِي كْبِيرْ
يَا روان رَحْ طِيرْ
حَامِلْ إسما بِـ قَلْبِي

و
دينادا
:P

Sabrina said...

سوس باشا
اي خدمه يا كبير
انت تؤمر و بس
مساء الجمال يا مغوار

Sabrina said...

السر
هههههههههه
شو بدي علق بعد هيك
الله يخليلك النص الاول و النص التاني تبع حبيبتك إختي
:P

Sabrina said...

مثليه فقط
دخيلك و دخيل التعليقات الحلوي
ولو...
إييه انسجام عن جد
:P

Sabrina said...

شوشو القمر
كيفك و كيف اخبارك
يا إختي انا بيشرفني انو اللهجه بتعجبك من وين اللهجه؟ بقولك شي من هون و شي من هونيك
اما عن كوني من الجزائر فهيدا شرف لا ادعيه
شو بدك من الصوره اللي بالخلفيه؟ هيدي ما تتشاف لحالها
بتعرفي لشو؟ حفاظا ع الاخلاق العاليه من شان هيك بتنزل لاوطي
فهمتي علي؟ :P

Sabrina said...

الهاربه
نورتينا
والحلو هو مرورك